ВЕРБАС – У обидвох вербаских парохийох, Покрова Пресвятей Богородици у Старим Вербаше и Святого Владимира у Новим Вербаше, внєдзелю преславена Велька ноц.
На пошвецанє пасхалного єдзеня у Новим Вербаше принєшени 109 кошарки, у Змаєве 20, а у Старим Вербаше 70 кошарки. Церковни порти були полни з парохиянами и їх госцами хтори пришли з найблїзшима преславиц Паску.
Парохове о. Алексий Гудак и о. Иґор Вовк на Службох пречитали Вельконоцну винчованку преосвященого владики Георгия Джуджара и винчовали шицким парохияном Швето, а вчера, пондзелок, у обидвох церквох було мированє.
