НОВИ САД – Городоначалнїк Нового Саду Милош Вучевич за Танюґ виявел же спрам найновших податкох новосадскей филияли Националней служби за обезпечованє роботи (НСЗ), у тим городзе єст 6 000 менєй нєзанятих як у исти час прешлого року.
Вучевич гварел же тераз на евиденциї НСЗ у Новим Садзе єст 20 300 нєзанятих.
Як гварел, тим податком би ше мали радовац шицки у Новим Садзе, бо то значи звекшанє прилїву пенєжу до буджету на основи порциї на заробок занятих, цо оможлїви швидше реализованє велїх проєктох.