ВЕРБАС – Вчера, 23. юлия, у церкви Святого Владимира у Новим Вербаше, пошвецени штири швичнїки хтори на дарунок достала церква, a од тераз ше их будзе хасновац на каждей Служби Божей под час читаня Євангелиї.
Пенєжи за швичнїки донировали парохиянє Иван Рацки и Вера Дацешен, а купени су у Львове, у України.
Паноцец о. Игор Вовк пошвецел швичнїки и з тей нагоди подзековал на дарунку и пожадал же би ище длуго служели церкви.