НОВИ САД – Понеже гориво за рок подрагшело за коло20 одсто, у Задружним союзу Войводини оценюю же то подрагши и цену, односно укладаня до тогорочней шатви.
Задружни союз Войводини роки провадзи цени репроматериялу за продукцию рошлїнох и як за РТВ гварел його совитнїк за продукцийни питаня Петар Радич, прешлого року у тот час цена ґазного олєю була 116,40 динари, а тераз є 143,40 динари.
Цена другого репроматериялу за тераз иста як и влонї – штучни гної коло 48-49 дин. кґ, а гоч вєшенї була туньша, цена уреи тераз приблїжна прешлорочней пред шатву – коло 41 динар за кґ.
Цена нашеньскей кукурици у формованю, алє у Задружним союзу обчекую же будзе на прешлорочним уровню. Спозорюю же квалитет нашеня хторе ше предава по дампинґ-ценох подозривого квалитету, та совитую же би ше обовязно опатрало декларацию.
Кед слово о пестицидох, їх цена будзе формована того мешаца.