НОВИ САД – Завод за културу войводняских Руснацох (ЗКВР) вчера, 23. марца, розписал Конкурс за орґанизованє манифестацийох у обласци защити нєматериялного културного нашлїдства Руснацох у 2017. року, хтори ше одноши на софинансованє орґанизованя наших манифестацийох и фестивалох з Календару репрезентативних манифестацийох Националного совиту Руснацох у тим року.
За Конкурс наменєни вєдно милион динари, а з проєктами за орґанизованє манифестацийох и програмох можу конкуровац КУД-и и здруженя гражданох, найпознєйше по 14. април.
Прияви на Конкурс ше подноши виключно на формулару хтори состойна часц Конкурсу.
Конкурс ЗКВР у цалосци обявени на сайту Заводу – www.zavod.rs, а о виборе проєктох за софинансованє хтори сцигню на Конкурс будзе одлучовац окремна комисия, хтору менує Управни одбор ЗКВР.