ВОЙВОДИНА – Покраїнски секретарият за польопривреду, водопривреду и лєсарство видвоєл вецей як милиярду динари за ушорйованє и чисценє беґельскей мрежи на териториї Войводини, по Конкурсу за локални самоуправи.
Роботи на беґельскей мрежи заплановани на подручю 33-ох войводянских општинох и седем городох. Заплановане злєпшац функционалносц системи за одводньованє, з чим би ше ришели и длугорочни проблеми парастох котрим ше у дижджовних и критичних периодох рока вода затримує на обрабяцих поверхносцох.
Заплановани роботи софинансує Покраїна з 60 одсто цалосних инвестицийох, а локални самоуправи и городи з 40 одсто. Фахово служби з ЯВП „Води Вйводини” пририхтую документи за явни набавки, за розписованє тендеру за потенциялних и найвигоднєйших виводзачох роботи.