РУСКИ КЕРЕСТУР – Представа „Перша журка” Тодея Николетича, у режиї Ксениї Бодянец, а у продукциї и виводзеню Дзецинскей ґрупи Драмского студия „АРТ” Дому култури Руски Керестур медзи пейсц представами хтори ше з Општинскей пласовали на Зонску смотру дзецинскей драмскей творчосци.
Општинска смотра дзецинскей драмскей творчосци отримана у марцу и априлу у Крщичу и местох одкаль участвовали аж 12 представи, а представи оценьовал селектор, режисер Владимир Надь Ачим з Руского Керестура.
Попри Керестурцох, на Зонску смотру ше пласовали и представи КУД „Иван Сенюк” и Културного центру з Кули, Дому култури з Червинки и ОШ „Велько Влахович” з Крущичу.
На нєдзелю, 9. априла, у Велькей сали Дому култури у Руским Керестуре будзе реприза дзецинскей представи „Перша журка”, а початок на 20 годзин.