РУСКИ КЕРЕСТУР – Понеже пенєж зоз самодоприносу з прешлих рокох нє потрошени у цалосци, попри комуналних инвестицийох и финансованя спорту, култури, образованя и Фонду солидарносци, Месна заєднїца Руски Керестур и того року опредзелєла дотациї здруженьом гражданох – вєдно 410 000 динари.
Як одлучене на схадзки Совиту Месней заєднїци, пондзелок, 9. януара, по 60 000 динари достаню Добродзечне огньогасне дружтво, Здруженє женох „Байка” и Здруженє паприґарох „Капсикум анум”, а 50 000 динари опредзелєни Здруженю пензионерох у Руским Керестуре.
По 35 000 динари достаню Младежска орґанизация „Пакт Рутенорум”, Туристичне здруженє „Руски Керестур”, Здруженє ремеселнїкох и Руска матка, а по 20 000 динари Еколоґийни рух „Желєни персцень” и месне Здружене инвалидох роботи.
Дотерашнї пейцрочни самодопринос ше закончує 31. януара того року.
