РУСКИ КЕРЕСТУР – Вирни рускокерестурскей парохиї св. оца Миколая вчера преславели Квитну нєдзелю, а источашнє и швето Благовищениє, та була и Велька споведз за шицких парохиянох.
Висповедало ше значне число парохиянох на пейцох Службох Божих, поготов барз була нащивена дзецинска Служба на 11,30 годзин, а окрем домашнїх священїкох, споведац були и паноцове з других наших парохийох.
На дзецинскей Служби парох о. Михайло Малацко наказовал о значеню обидвох шветох и поволал присутних же би пришли и на богослуженя у наступаюцим Вельким тижню и на преславйованє швета Пасхи хторе у тей парохиї будзе преславене на шлїдуюцу нєдзелю.