ШИД – Министер просвити, науки и технолоґийного розвою Младен Шарчевич, зоз сотруднїками, вчера, 7. марца нашивел Шид, дзе бешедовал з предсидательом Општини Предраґом Вуковичом и його сотруднїками.
У сали Скупштини општини Шид министер Шарчевич присуствовал на схадзки Активу директорох з подруча шидскей општини и з тей нагоди наглашел же у пририхтованю закон о плацох занятих у просвити, з хторим би їх плаци мали буц вировнани з плацами других хасновательох буджетних средствох.
Министер Шарчевич у Шидзе нашивел и ОШ „Сримски фронт“, дзе го директорка Школи Весна Кузминац поинформовала о тей образовней установи, збудованей пред вецей як 40 роками и хтора би мала буц ґенерално реконструована.
По словох министра, Влада Сербиї опредзелї 600 000 еври за реконструкцию спомнутей школи, а роботи би мали почац концом мая.
Шарчевич додал же општина Шид 42. локална самоуправа хтору дотераз нащивел, а вчера нащивел ище Руму и Индїю.
