НОВИ САД – Предсидатель Покраїнскей влади Иґор Мирович шицким гражданом Войводини и Сербиї пожадал же би у 2019. року сполнєли свойо особни и професийни цилї, та же бизме шицки вєдно швидше напредовали пре лєпши економски и привредни розвой Сербиї.
„Най би Нови рок бул виполнєни з миром, толеранцию и порозуменьом, а од шерца шицким жадам добре здравє, особне и фамелийне щесце” – поручел Мирович.
Свойо винчованки з нагоди Нового року упутел и предсидатель Скупштини АП Войводини Иштван Пастор.
–У свойо мено и у мено Скупштини АП Войводини жичим же би вам шлїдуюци рок принєсол здравя, фамелийного, особного и професийного успиху.