БЕЧЕЙ/РУСКИ КЕРЕСТУР – Школяр клавиру V класи Школи за основне музичне образованє (ШОМО) Кула Михайло Рацпети з Руского Керестура освоєл першу награду (90,67 боди) на Шестим Медзинародним музичним змаганю „Фантаст”, хторе ше отримує у Музичней школи „Петар Коньович” у Бечею од 15. по 25. май.
Михайло Рацпети школяр у рускокерестурским Оддзелєню ШОМО у класи Мирона Сивча, и кажди рок посцигує значни резултати на рижних змаганьох. Нєдавно бул член и екипи ШОМО Кула хтора на Републичним змаганю освоєла другу награду.