РУСКИ КЕРЕСТУР – На тогорочним, другим по шоре, Гуманитарним концерту „За нашо дзеци”, хтори отримани всоботу вечар 22. децембра у Велькей сали Дому култури, зоз уходнїцох и добродзечних прилогох нащивительох назберане коло 55 000 динари, а людзе добрей дзеки ше и далєй одволую.
На Концерту участвовали од наймладших зоз Музичней оводи з руководительку Татяну Фейди, до искусних шпивачох, музичарох и рецитаторе зоз Руского Керестура и Нового Саду. Учашнїки були – Яна Варґа, Иван Планчак, Ема Живкович, Душка Йованов и Анамария Регак, Мирослав Малацко, ґрупа „Ариа”, Павле Рац и Жарко Остоїч, Дориян и Дорика Чизмар, и члени „Пицикато бенда” Саня Дивлякович и Кристиян Няради.
Зоз назбераного пенєжу орґанизаторе пририхтаю пакецики за Крачун коло 40 дзецом зоз Керестура, хторим то потребне, а у сотруднїцтве з парохийним Каритасом. Новинско-видавательа установа „Руске слово” зоз Нового Саду, до каждого пакецика дарує дзецинску кнїжку, а креативка Тияна Бандич з Керестура медовнїки.
Концерт и того року отримани на инициятиву орґанизаторкох Дорики Чизмар и Маї Зазуляк Гарди, у технїчней часци реализатор бул Сашо Палєнкаш, а у орґанизованю помогли и велї други млади, док Дом култури уступел простор за отримованє Концерту.
Доприношенє дали и школяре IV б оддзелєня з учительку Наталию Зазуляк котри за Концерт пририхтали ориґинални плакати.