ЗОМБОР – Нови Радио Зомбор почал з роботу у септембру 2016. року, а пред мешацом на Порталу Нового Радио Зомбора почало ше емитовац и тексти на руским язику.
Зоз нєшкайшим дньом, прешол мешац як ше почало обявйовац рубрику у двойнїстим електронским медию, Новим Радио Зомборе на руским язику.
– На порталу Нового Радио Зомбора за єден мешац, дзекуюци нашей сотруднїци на руским язику Оленки Живкович, обявени уж 13 рубрики, а понеже ми у Радию любиме статистику, було потераз 11 170 препатрунки, цо штреднє 860 по рубрики. Думам же тоти числа досц гуторя – гварел Синиша Стричевич, редактор Нового Радио Зомбору.
Редактор Синиша Стричевич почал програму зоз младима людзми, алє и зоз пензионерами. Помага му шеф технїки Деян Горват, котри и музични редактор. Найвекшу потримовку им дали Зєдинєни конарски синдикат Нєзависносц и Городска управа ‒ прейґ котрей реализую проєкт „Дзеци, здраво – мултикултурални Радио Зомбор”.