РУСКИ КЕРЕСТУР – На традицийним Русиновим балу, отриманим всоботу, 14. януара у рускокерестурским Ресторанє „Червена ружа”, Иґор Грнчяр преглашени за найлєпшого бавяча Фодбалского клубу „Русин” за 2016. рок.
На Балу, на хторим були терашнї и бувши члени „Русину”, члени управи, навияче, други госци, Татяни Штранґар додзелєне припознанє за найвирнєйшого навияча, Срдянови Дюкановичови за найлєпши ґол у єшеньскей полусезони, Борисови Оросови за найвекши премах, Дамирови Орсаґови за „наймегчейшого” бавяча у лиґи и Желькови Ройкови за найвецей часу препровадзеного „под орехом” на Ярашу.
Була орґанизована и томбола, як и „рулет танєц” и франтовлїви квиз „Кельо знаш о ФК Русин”.