ВЕРБАС – Роботнїки Дїловней єдинки (ДЄ) „Чистота”, ЯКП „Комуналєц” на соботу, 13. октобра, запровадза єшеньску акцию одношеня векшого, кабастого одпаду з вербаских улїчкох, та согражданє треба же би таки одпад повиношели опрез своїх обисцох того дня рано, найпознєйше по 7 годзин.
Як визначел Младен Павлович зоз ДЄ „Чистота” до кабастого одпаду спадаю часци старого мебелю, билу технїку, авто ґуми, тварду пластику, склєняну амбалажу, як и менши количества поживового одпаду.
Акция будзе запровадзена и по валалох вербаскей општини, тиж у октобру, з порядним одношеньом шмеца. Жителє населєних местох о тим буду благочасово обвисцени.