РУСКИ КЕРЕСТУР – Ютре ше у Руским Керестуре першираз отрима културна манифестация „Ноц музейох”, од 18 до 23 годзин. Орґанизовани програми буду ше одвивац у Музейней збирки у Замку, хтора у тим чаше будзе отворена за нащивительох.
Заинтересовани ше годни облєчиц и висликовац у народним облєчиве за старших и дзеци, а од 18,30 по 19,30 буду креативни роботнї за дзеци.
На 20 годзин отверанє вистави Старих образох, а Здруженє женох „Байка” понукнє на предай свойо сувенири и колачи. Уход шлєбодни.
Орґанизатор тей подїї Туристичне здруженє Руски Керестур зоз своїма партнерами, а предсидателька Здруженя Любица Няради поволує кед дахто ма пожичиц стари образи на виставу най ше єй обяви на моб. 064/048-039-4.