НОВИ САД – Нєшка на схадзки Вивершного одбору Националного совиту Руснацох (НСР) розпатрени и усвоєни рочни звити и плани НСР, як плани и звити установох котрим вон снователь.
Схадзка Вивершного одбору отримана у просторийох Заводу за културу войводянских Руснацох и була пририхтуюца за порядну схадзку Совиту, котра треба же би була отримана на стреду, 21. марца.
На схадзки Вивершного одбору вельо часу було пошвецене дискусиї зоз представнїками Заводу за културу войводянских Руснацох, Новинско-видавательней установи „Руске слово” и Руского народного театру „Петро Ризнич Дядя” у вязи зоз нєвигодну материялну ситуацию у тих установох.
Зоз драстичним нєдостатком средствох окреме ше зочує РНТ „Петро Ризнич Дядя” и видавательна дїялносц НВУ „Руске слово”.