ДЮРДЬОВ – На валалским спортским полиґону у Дюрдьове нєшка будзе отримана Ловарска ґулашияда.
Пропозициї по котрих ше екипи приявйовали на ґулашияду предвидзовали же кажда екипа може мац пейцох членох, а орґанизаторе обезпечую три килограми меса з єленя, столи, лавки и слункобрани. Кажда екипа себе муши обезпечиц фляшу з бутаном и печарку, а обавязне мац сиґурносни вентил.
Шицким учашнїком орґанизаторе подарую по маїцу, а за найлєпших обезпечени награди, припознаня и медалї.
Ґулашияда почина на 15 годзин, а орґанизатор Ловарске дружтво „Дюрдьов” зоз Дюрдьова.