НОВИ САД – Нєшка у централним голу Покраїнскей влади буду подписани контракти о додзельованю средствох по розписаним конкурсу за софинансованє реконструкциї, адаптациї, санациї и инвестицийне отримованє обєктох установох основного, штреднього образованя и воспитаня, школярского стандарду и предшколских установох на териториї AП Войводини за 2018. рок.
Вкупни средства котри буду додзелєни по тим конкурсу виноша 100 милиони динари, а єдну часц средствох достали и школи у Дюрдьове и Кули.
Основна школа „Йован Йованович Змай” у Дюрдьове достала 2 милиони 990 тисячи динари за реконструкцию и адаптацию обєкта Рускей школи, а Основна школа „Петефи бриґада” 2 милиони 490 тисячи динари за инвестицийне отримованє обєкта – кладзенє нових облакох и дзверох.
Присутних привита подпредсидатель Покраїнскей влади и покраїнски секретар за образованє, предписаня, управу и национални заєднїци-национални меншини Михаль Нїлаш.