НОВИ САД – Пред нєшкайши емисию „Добри вечар, Войводино”, на 19,30 годзин будзе емитована емисия за дзеци „Дзецински швет”, котра будзе пошвецена спорту у Руским Керестуре, односно каратеу и столному тенису.
У емисиї „Добри вечар, Войводино” госци у студию наявя найновши Фестивал новей рускей народней шпиванки „Ружова заградка”, а потим будзе представени студент русинистики Дарко Заґорец хтори свой треци семестер препровадзел у Ґданьску, у Польскей.
У другей часци емисиї патраче ше годни здогаднуц яка була жима у Руским Керестуре 2006. року, а на концу емисиї през єдну з епизодох сериялу „Дзива Войводина” патраче увидза як тоту рочну часц подноши рошлїнски и животиньски швет.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.