НОВИ САД – Як то узвичаєне перши штварток у мешацу, пред нєшкайшу емисию „Добри вечар, Войводино” на 19,30 г. на Другей програми РТВ Войводини будзе емисия за дзеци по руски „Дзецински швет”.
Перша часц емисиї „Добри вечар, Войводино” (на 20 г.) пошвецена актуалносцом у образованю у школох дзе ше виучує руски язик, о чим буду бешедовац госци у студию, а у другей часци будзе емитовани ширши звит з Польопривредного сайму у Словениї.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.