РУСКИ КЕРЕСТУР – У рускокерестурскей парохиї св. оца Миколя нєшка Вилїя по григориянским календаре, а на ютре Рождество Христово-Крачун, хтори ше слави три днї, по 27. децембер.На Вилїю ше строго посци.
Нєшка на 8 годзин у Катедралней церкви будзе Василийова Служба Божа, а на 17 годзин дзвони оглаша початок Вилїйовей вечери, за хтору ше пририхтує традицийни єдла, а потим дзеци и млади з колядованьом родзином и познатим винчую Крачун.
Крачунске всеночне на Вилїю у Катедралней церкви будзе на 23 годзин. На перши дзень Крачуна, 25. децембра богослуженя буду на 8 годзин, на 10 Архиєрейска Служба Божа хтору будзе предводзиц наш преосвяшени владика Георгий Джуджар, док вечарша Служба на 17 годзин.
На други дзень Крачуна – Собор Богородици, 26. децембра Служби Божо буду як и перши дзень, лєм же на други будзе и Служба на 11,30 годзин и на шицких будзе мированє. Вечар на 18 годзин у Доме култури будзе Крачунски концерт.
На треци дзень Крачуна – Першомученїка Штефана богослуженя буду на 8, 10 и 17 годзин.