КУЛА – Од пондзелку 11. по 18. юний гражданє општини Кула буду мац нагоду гласац за даєден спомедзи трох проєктох котри буду реализовани зоз средствох котри општина достала дзекуюци велькому числу послатих ковертох за наградне бависко „Вежнї рахунок и победз 2018”.
У наградним бависку Кула була другопласована општина зоз числом послатих ковертох у катеґориї штреднїх општинох, дзекуюци чому достала 23 000 евра котри би мали буц вихасновани за реализацию проєкту од общого значеня за гражданох, з тим же би проєкт мушел буц вибрани на явним гласаню.
Жителє општини Кула можу виберац єден спомедзи проєктох котри предложела општинска управа – купованє апарату за реанимацию у служби наглей помоци, купованє диґиталней опреми за постояци рендґен апарати у Дому здравя лєбо законченє вибудови азилу за псох блукачох.
Гласац мож кажди роботни дзень од 7 до 15 годзин у месних канцеларийох у Руским Керестуре, Сивцу, Червинки, Липару, Крущичу и Новей Червинки, як и у Услужним центру општини Кула.