ШИД – Комисия за вонкатїлесне оплодзованє Oпштини Шид розписала конкурс за додзельованє средствох малженским паром, точнєйше женом, за вонкатїлесне оплодозованє. Конкурс тирва 15 днї.
Средства достати од Министерства за популацийну политику у виносу 1,2 милиони динари буду розподзелєни так же ше за спомнуту намену достанє 250 000 динари по єдней вимоги.
Слово о штвартим пробованю же би ше вонкатїлесно достало дзецко, понеже треце пробованє финансує держава, а предносц маю малженски пари, односно жени без дзецох, лєбо з єдним дзецком.
Шицки потребни информациї о конкурсу годно достац у Општинскей управи.