ШИД – У Червеним крижу тих дньох ше розподзелює пакети поживи и прибору за гиґиєну социялно загроженим фамелийом у 18 валалох шидскей општини.
По словох Душици Полетан, секретарки Червеного крижу, Министерство роботи, занятосци, социялних и борецких питаньох у Влади Сербиї и Червени криж Сербиї обезпечели вкупно 250 пакети помоци.
Розподзельованє ше окончує по списку загрожених фамелийох Центру за социялну роботу и одноши ше лєм на фамелиї на валалє.