РУСКИ КЕРЕСТУР – Тогорочна 24. Културна манифестация „Костельникова єшень” (КМ КЄ) будзе отримана од 10. по 19. новембер у вецей наших местох, дознава Рутенпрес од орґанизатора Манифестациї Дому култури Руски Керестур.
Стретнуце рецитаторох, у рамикох програми КЄ, того року будзе отримане на соботу, 11. новембра, як и дотераз у Кули (у ОШ „Петефи бриґада), у нєпоштредней орґанизациї Руского КУД „Др Гавриїл Костельник”.
Дом култури Руски Керестур поволує нашо КУД и школи же би найпознєйше по 31. октобер приявели своїх рецитаторох за участвованє на тим стретнуцу. Мож приявиц рецитаторох у трох возростох (младшим, штреднїм и старшим) на е-адресу dk.kerestur@gmail.com, лєбо на тел/факс; (025) 703-032, 703-357.