РУСКИ КЕРЕСТУР – У рускокерестурскей парохиї св. оца Миколая початком того тижня почала процедура за вибор нового дванацчленового Церковного одбору, понеже терашньому виходзи пейцрочни мандат.
За члена Церковного одбору може буц вибрани кажди хлоп старши од 25 роки, котри поряднє окончує свойо вирски длужносци, поряднє ходзи на богослуженя и на Споведз голєм на Вельку ноц, котри жиє по християнски и нї з чим нє соблажнює других. Член Одбору нє може окончовац даяку руководзацу службу у другей установи, або орґанизациї цивилного дружтва.
По єдного кандидата може предложиц кажди парохиян-хлоп котри наполнєл 25 роки, котри поряднє окончує свойо вирски длужносци и поряднє ходзи до церкви, цо значи же жени нє маю право анї предкладац, анї буц предложени до Церковного одбору керестурскей церкви.
Кандидатох за нових членох Церковного одбору мож предложиц кажди дзень дополадня у парохийней канцелариї.