ВЕРБАС – У грекокатолїцкeй парохиї у Старим Вербаше всоботу, 6. мая, преславене швето св. Георгия, у народзе познате як Дзуря.
У церкви Покрова Пресвятей Богородици Служба Божа була на осем годзин, а у казаню парох о. Алексий Гудак бешедовал о значеню Исусових словох о нєнависци, наводзаци и слова з Євангелиї о тим як ше чловек у живоце ма стримовац од спокусох нєнависци.
После Служби о. Гудак пошвецал снопчки жита и вєдно з парохиянами ше помодлєл за добри урожай и защиту польох и плодох.
