РУСКИ КЕРЕСТУР – У рускокерестурскей парохиї св. оца Миколая вчера на Велькей Служби Божей на пейцрочни мандат пришагал нови Церковни одбор тей парохийней заєднїци.
Пред парохом о. Михайлом Малацком, капеланами и присутнима на Служби пришагали дванац члени нового одбору – нововибрани Славко Роман, Михайло Рамач, Миронь Будински, Владимир Чизмар, Желько Папуґа, Сашо Рац и Янко Няради, як и пейцме члени з дотерашнього одбору – Михайло Рац, Дюра Будински, Миронь Семан, Михайло Венчельовски и Владимир Колєсар.
Одборци пришагали же свою основну длужносц – старанє о церковним маєтку тей парохиї – буду окончовац з помоцу Божу як найлєпше знаю и можу, а у винчованки парох о. Малацко им пожадал же би цо лєпше и з особним християнским шведоченьом добре сотрудзовали з цалу заєднїцу.
