ДЮРДЬОВ – У рамикох презентованя воспитно-образовней роботи, два предшколски ґрупи Предшколскей установи „Дзецинство”, оддзелєнє „Дюрдєвак” у Дюрдьове, прешлого пиятку промововали традицию Руснацох, и Сербох зоз Шумадиї и Войводини.
-Наша ґрупа ше представела з традицийнима рускима шпиванки, танцами и розчитованками. Дзеци презентовали руске народне облєчиво, а у тим нам помогли и родичи котри ше остарали же би дзеци були крашнє поприберани, гварела Марина Сабадош, воспитачка у Мишаней ґрупи.
У програми участвовала и предшколска ґрупа на сербским язику котра представела традицийни танци и шпиванки Сербох зоз Шумадиї и Войводини.
