ВОЙВОДИНА – Наступни школски 2017/18. рок у основних школох у Войводини почнє 1. септембра, по школским календаре хтори принєсол Покраїнски секретарият за образованє, предписаня, управу и национални меншини-национални заєднїци.
Школяром у Войводини жимски розпуст будзе тирвац дзешец днї, од пондзелку, 25. децембра, а до школских лавкох шедню на стреду, 10. януара.
Уж на штварток, 15. фебруара, школяре буду мац штири днї розпусту пре державне швето Дзень Републики Сербиї, хторе ше слави два днї.
Ярнї розпуст почнє 30. марца и будзе тирвац по 9. април. Медзитим, на пондзелок, 30. априла, школи нє буду робиц пре першомайски швета, хтори ше буду славиц два днї, алє тот пондзелок ше будзе мушиц одробиц на соботу, 5. мая.
Школяре осмих класох пробни закончуюци испит буду мац 13. и 14. априла.