РУСКИ КЕРЕСТУР – Управни одбор Дому култури Руски Керестур прилапел Звит о роботи и Финансийни звит тей установи за 2017. рок, на вчера вечар отриманей схадзки, хтору водзела предсидателька УО Биляна Ковачевич.
Звити поднєсол директор Дому култури Йоаким Рац и констатовал же обсяг роботи тей установи подобни як и скорейших рокох, и углавним у планованих рамикох, а витворени вєдно76 рижни активносци.
Замерковане значне зменшанє числа членох у секцийох Дому култури, так же у шейсц секцийох влонї були активни шицкого 276 особи од дзецинского по старши возрост, а то за 39 менєй як рок пред тим.
По Финансийним звиту Дом култури у 2017. року розполагал и потрошел вкупно 7.581,000 динари и за програмски активносци и за три фестивали хтори орґанизує, а то средства зоз шицких трох уровньох – з Општини, Покраїни и Републики, окрем тих хтори за фестивали опредзелює наш Национални совит.