РУСКИ КЕРЕСТУР – З нагоди початку нового школского рока, вчера, 10. септембра, у Водици означени Школярски дзень за школярох и студентох.
Службу Божу на 11,30 г. служел капелан о. Владимир Медєши, наказовал о. Михайло Шанта, споведал парох о. Михайло Малацко, а шпивала шпивацка ґрупа, под руководительством Лидиї Пашо.
– Важне же би ше и родичи и дзеци модлєли за успишни школски рок и нїґда нє забудзме же нас Бог нїґда нє зохаби, и теди кед нам нє идзе. Почежкосци – то можлївосц же бизме дали шицко од себе и утвердзели виру – наглашел у казанї о. Шанта.
По Служби, на хторей було красне число вирних, медзи нїма и даскельо фамелиї з Коцура, о. Медєши благословел школски ташки и шицки присутних.
З тей нагоди парохия и волонтере Каритасу за шицких присутних пририхтали ошвиженє.