НОВИ САД – З модну ревию у Змай Йововей улїци у центре Нового Саду вчера, 24. априла, шветочно отворени Интернационални фестивал моди и дизайну Serbia Fashion Week.
По модней писти на корзоу прешли коло 250 манекенки и манекенє, котри ношели модели 30 европских дизайнерох. На отвераню участвовали Симфонийски оркестер НС2021, представителька Сербиї на тогорочней Евровизиї шпивачка Тияна Боґичевич, як и Драґолюб Дюричич з бубнярами.
На Националним тижню моди по 29. април буду представени дизайнере з 20 державох, а медзи нїма и нам позната Лидия Орза.
Попри главней ревиялней програми, хтору ше отримує у Конґресним центре Мастер Новосадского сайму, на Тижню моди орґанизовани и рижни едукативни конференциї и семенари, змаганя младих талантох, та и Show Room.