НОВИ САД – У осемнастим тогорочним чишлє новинох „Руске слово” рубрика „Тижньовнїк” информує о терашнїм стану у Дружтве Руснацох у Суботици, а „Нашо места” о преслави Швета роботи и поради Здруженя паприґарох о наднїцох. Боки „Економиї” пошвецени потримовки младим поднїмательом и моцнєню бизнису.
„Духовни живот” пише о обнови царских дзверох на иконостасу у церкви Святих апостолох Петра и Павла у Новим Садзе, а рубрика „Култура и просвита” о упису до першей класи у керестурскей Школи, госцованю керестурского Дому култури и Здруженя женох „Байка” у Словацкей, та Дньох театру „Владимир Сабо-Дайко” у Коцуре.
Як млади преславели Перши май пише на „Мозаїку”, док рубрика „Людзе, роки, живот” читачом представя квецарку Снежану Штрбац з Коцура, Юлияна Медєша з Вербасу, а ту и напис о 10-рочнїци новосадского Хору „Гармония”.
На бокох „Спорту” зазначени успих рускокерестурских каратистох на Републичним и атлетичарох на Општинским змаганю, а як узвичаєне, на тих бокох и резултати змаганьох фодбалских клубох з наших местох. У тим чишлє додаток „Руске слово у швеце”.