НОВИ САД – У новинох „Руске слово”, у штернастим тогорочним виданю, „Тижньовнїк” пише о активносцох Националного совиту Руснацох и о прейґгранїчним сотруднїцтве Сербиї и Босни и Герцеґовини.
„Нашо места”, медзи иншим, информую о пририхтованю дюрдьовскей, шидскей и коцурскей парохиї за Вельку ноц, док „Економия” пише о початку поьопривредних роботох у коцурским хотаре и о отримани Сайме за обезпечованє роботи у Кули.
На „Духовним живоце” зазначене як преславена Велька ноц у Руским Керестуре, алє и Квитна нєдзеля у парохийох хтори ше ровнаю по юлиянским календаре.
„Култура и просвита” дава звит зоз Општинскей смотри рецитаторох у Шидзе и о новим припознаню хторе достала професорка математики Наталия Будински з керестурскей Школи. Ту и огляднуце на преподаваня др Томаша Квоки з Польскей у Новим Садзе, а розпатрена и тема хто може достац стипендию Националного совиту Руснацох.
„Мозаїк” представя Йована Живковичова з Руского Керестура и информує о преслави 6. родзеного дня орґанизациї „Дроп сенсеи”, док рубрика „Людзе, роки, живот” упознава читачох зоз Марию Дудаш Фейса з Коцура, Жельком Шолтисом зоз Шиду и активносцох єдней ґрупи пайташкох зоз Дюрдьова.
„Спорт” дава резултати наших фодбалских клубох, як и вистки зоз рукомету и каратеу.