НОВИ САД – Новини „Руске слово”, у своїм двацец першим тогорочним виданю, на бокох рубрики „Тижньовнїк” закончую напис о самоотримованю здруженьох гражданох, док рубрика „Нашо места” пише о успишним концерту Хора „Розанов”, нащиви коцурских волонтерох новосадскей парохиї, а єст и вецей вистки з других местох.
„Духовни живот” зазначел означованє 15-рочнїци Апостолского еґзхарату на Завитни дзень у Водици и Кирбай у Сримскей Митровици.
На бокох „Култури и просвити” пише о промоциї кнїжки „Руснаци” Дюри Латяка, о успихох котри зазначели др Дарко Варґа, Михайло Рацпети и Мирослав Малацко, а ту зазначени и програми у рамикох „Ноци музейох” у Вербаше, Коцуре и Руским Керестуре.
„Мозаїк” читачох упознава зоз Катарину Кочиш зоз Дюрдьова, а рубрика „Людзе, роки, живот” зоз Петром Бесерминьом з Вербасу, док „Економия” зводзи упечатли зоз законченого Медзинародного польопривредного сайму.
„Спорт”, окрем резултатох наших фодбалских клубох у своїх першенствених лиґох, пише о успиху керестурских атлетичарох и першим Мемориялним турниру у фодбалу „Владимир Малацко-Учо” у Руским Керестуре.
У тим чишлє як додаток вишла „Дом и фамелия”, дзе и нове предлуженє „Женоблоґиї”.