НОВИ САД – Штварток, 12. юлия, у грекокатолїцкей церкви св. Апостолох Петра и Павла у Новим Садзе преславени Кирбай.
Кирбайску архиєрейску Литурґию предводзел апостолски еґзарх за грекокатолїкох у Сербиї владика кир Георгий Джуджар, а сослужели о. Михайло Малацко, протоєрей ставрофор, о. Роман Кандрач, єромонах з України, о. Алексей Гудак, о. Платон Салак, ЧСВВ, о. Владислав Рац, протоєрей ставрофор, о. Михаил Холошняй, о. Дарко Рац, и о. Даниєл Задрепко.
– Нєшка швециме верховних апостолох Петра и Павла, прето же вони основа, фундаменти нашей церкви, бо вони ишли перши и пошали слово вири Христовей – гварел у своєй казанї владика кир Георгий.
На Служби присуствовал и домашнї парох о. Юлиян Рац, вон подзековал шицким цо пришли подзелїц духовну радосц и привитал госцох и домашнїх.
На початку Служби споведал о. Платон Салак, а на Служби шпивал Хор „Гармония”.
На концу було мированє, а Кирбай предлужени у обисцох наших парохиянох у Новим Садзе з найблїзшима, госцами и приятелями.
