РУСКИ КЕРЕСТУР – У шицких парохийох нашого Апостолского еґзархату на ютре, 8. априла, будзе означена Квитна нєдзеля – як спомин на євангелску подїю кед народ у Єрузалиму Исуса Хруста привитал з багнїтками. Квитна нєдзеля пада источашнє по обидвох каленарох, понеже того року источашнє и Велька ноц – 16. априла.
У шицких наших парохийох на Квитну нєдзелю буду служби Божо по звичайним розпорядку, а на нїх вирни достаню и пошвецени багнїтки – символ Квитней нєдзелї.
У парохиї св. оца Миколая у Руским Керестуре на Квитну служби Божо буду на 8, 10, 11,30 и 19 годзин, а будзе и вельконоцна споведз за школярох и младих. Споведз почнє на 11 годзин и будзе и под час Дзецинскей Служби, хтора на 11,30 годзин.