БЕОҐРАД – Припатрацка мисия ЦРТА пондзелок, 13. марца, почала системске провадзенє виберанкового процесу за предсидателя держави – у периодзе пред, на дзень виберанкох и после виберанкох, сообщене з тей мисиї.
Предвиберанкову кампаню на терену провадза 60 припатраче у шицких округох, док на дзень виберанкох квалитет виберанкового процесу буду провадзиц 940 припатраче ЦРТИ.
Длугорочни припатраче ЦРТИ обучени по найвисших медзинародних стандардох, провадза и зазберую информациї о запровадзованю виберанковей кампанї, евентуалних нєправилносцох, роботу виберанковей администрациї и писанє медийох о кампанї.
На сам дзень виберанкох и по їх законченю, припатраче буду провадзиц роботу Републичней виберанковей комисиї (РВК) по сообщованє службених резултатох, як и процес жалбох на роботу виберацких одборох и РВК, кед же их будзе.