ШИД – Зоз шветочну схадзку Союзу борцох народноошлєбодительней войни (СУБНОР ) у сали Скупштини општини Шид вчера означени 9. май, Дзень побиди над фашизмом у Другей шветовей войни.
О значеню побиди над фашизмом бешедовали Йовица Степанич, предсидатель ОО СУБНОР Шид, Душан Лукич, член Предсидательства ОО СУБНОР Шид и Велимир Ранисавлєвич, предсидатель Скупштини општини Шид.
Поета Дюрица Еделински з тей нагоди пречитал два авторски писнї, а додзелєни подзекованя и кнїжки наградзеним школяром на литературним конкурсу на тему побиди над фашизмом хтору розписало Здруженє сербско-русийского товаришства у Шидзе.
На городским теметове при памятнїку погинутим борцом венци покладли делеґациї СУБНОР, Општини Шид, Одряду вивидзовачох „Лазар Бибич“, Здруженя сербско-русийского товаришства и Социялистичней партиї Сербиї.