БРИСЕЛ – Як єдини представителє Сербиї, школяре зоз Штреднєй школи „Петро Кузмяк” з Руского Керестура 30. и 31. марца були у Бриселу на Скупштини младих у рамикох проєкту „Твоя Европа, твой глас”, хтори реализує Комитет за економски и социялни розвой. Тема тогорочней Скупштини, була „Европска уния будучносци”.
Перши дзень отримана роботня за упознаванє школярох, а вчера, 31. марца, бул главни роботни дзень, дзе розпатрани актуални виволаня у Европи и симулация пленарней схадзки Комитету за економски и социялни розвой, на хторей участвовали и школяре.
У делеґациї Сербиї були тройо штредньошколци зоз Школи „Петро Кузмяк” – Дорис Бучко з III-1 руского оддзелєня Ґимназиї, Ґавра Алексич зоз IVI-2 сербского оддзелєня Ґимназиї и Вукашин Делич з III-3 напряму Туристични технїчар, як и їх професорка анґлийского язика Лїляна Фина.
