РУСКИ КЕРЕСТУР – У Руским Керестуре на ютре, 15. авґуста, почнє перши Турнир у кошарки 3 на 3, хтори будзе тирвац по 23. авґуст, а за участвованє ше мож приявиц ище нєшка.
У екипи можу буц приявени найвецей штири особи, а котизация за прияву по екипи 2 000 динари.
Змаганя ше будзе отримовац на кошаркашским терену на пияцу, а затераз приявени седем екипи зоз Керестура.
Награда за перше место 10 000, за друге 5 000, а за треце 3 000 динари.
Турнир орґанизує ґрупа младих, а вецей информациї о нїм мож достац при Борисови Югикови на число телефона 061/368-1111.