НОВИ САД – На ютре, 23. септембра, у Новим Садзе будзе вельки мото-сход и дефиле байкерох през город, з чим будзе заварта тогорочна мото-сезона у Войводини. Сход други раз орґанизує Мото-уния Войводини и Blokstok festival, а пре промовованє „байкерскей” субкултури.
Сход байкерох ютре будзе на Мишелуку на 12 годзин, а на 13 г. руши дефиле през Нови Сад и то по драги: Мишелук-Мост шлєбоди-Булевар ошлєбодзеня (по Желєзнїцку станїцу), дзе ше обраца на Булевар, та назад по Єврейску улїцу-Булевар Михайла Пупина-Варадински мост-Каменїцка драга-Рибалов (Рибњак).
Орґанизаторе обчекую же буду участвовац медзи 500 и 1 000 моторки, цо будзе єден з найвекших таких скодох у Новим Садзе и околїску.
На 15 г. опрез гостелу „Гайдуцка ноц” на Рибалове почнє друженє зоз живу музику, а шицких, без огляду чи су члени даєдного мото-клубу, чи нє, будзе забавяц зренянинска ґрупа „Сателит”.