СЕРБИЯ – Кед Министерство здравя нє може обезпечиц безплатни пейцвалентни вакцини за шицки дзеци у Сербиї, вец ресорни министер Златибор Лончар ма дац задзекованє на тоту функцию, вимага портал родичох „Бебац”.
„Бебац” прейґ рижних сообщеньох уж длуго протестує и обвинює Лончара же, як пишу, дзепоєдним лїкаром и дистрибутером оможлївел же би зарабяли на чкоду родичох, на тот способ же знали же нє будзе достаточно вакцини, вжали єдну часц и потим их предавали по високих ценох, гвари спомнути портал.
У найновшим сообщеню „Бебац” здогадує же прешлого тижня и Защитнїк гражданох Саша Янкович як дискриминацию оценєл же вакцини нє безплатни за шицких, та Министерству здравя дал термин од 21 дня же би набавело вакцини.