РУСКИ КЕРЕСТУР – У рамикох роботньох на Медзинародним волонтерским кампу вчера до Руского Керестура пришли жени зоз Здруженя женох „Мацерово шерцо” зоз сушедного Лалитю и волонтером представели народне облєчиво и єдла Словацох.
Учашнїком Кампу приказани цали процес облєканя дзивки до народного облєчива, хтори тирва од 20 до 30 минути, а потим им млади шпивали даскельо словацки шпиванки.
У часци упознаваня култури Словацох и прейґ їх традицийних єдлох, волонтере з женми з Лалитю правели пироги, цо єдно з характеристичних єдлох и Словацох.
Нєшка на Медзинародним кампу буду представени Мадяре, так же приходза госци з Нового Орахова.