ДЮРДЬОВ – Дюрдьовчанє и Дюрдьовчанки и того року предлужели наш народни обичай, облїванє.
Як традиция намага на други дзень Велькей ноци, хлапци и леґинє облївали дзивчата и дзивки, а вони их ютредзень, на треци дзень Велькей ноци облївали так як ше задлужели, а часто то и кущик вецей.
Леґинє по облїваню углавним ходзели пешо, а гевти младши, як и дзивчата, на прикрашених бициґлох зоз квецом и зоз орґону у рукох.