ВЕРБАС – З нагоди Дня старших особох, 1. октобра, предсидатель Општини Вербас др Братислав Кажич зоз сотруднїками нащивел Ґеронтолоґийни центер и занятим у тей установи придал нови ЕКҐ-апарат за препатрунок особох змесцених у Центре. Дарунок вредни 100 тисячи динари.
З тей нагоди за хасновательох Ґеронтолоґийного центру виведзена и пригодна програма, а Кажич визначел же старшим людзом треба нєпреривно давац вецей уваги, а нє лєм раз до рока.
Директорка Ґеронтолоґийного центру Радмила Мусич здогадла присутних же на тот дзень и 12. родзени дзень установи, и же то перша установа социялней защити такей файти хтору основала Влада Войводини.