РУСКИ КЕРЕСТУР – У Основней и штреднєй школи „Петро Кузмяк” вчера означени 26. сепетембер – Европски дзень язикох, а з тей нагоди виложени и пригодни панои у школским голу.
Школяре шицких возростох, о тим дню хтори промовує язичну рижнородносц и ученє цо вецей язикох, бешедовали на годзинох на шейсц язикох хтори ше виучує у керестурскей Школи.
Панои зоз фразами на велїх язикох школяре тиж виробели зоз своїма наставнїками з Активу язичарох и основней и штреднєй Школи, и Активу учительох.
Европски дзень язикох ше на инициятиву Совиту Европи означує од 2001. року, а циль му спонуковац Европянох же би учели други язики, без огляду на роки живота.
